Роберт Левандовски синоќа на „Камп Ноу“ придонесе за агонијата на Барселона со вториот и третиот гол во високата победа на Баерн од 3:0 на стартот од новата сезона во Лигата на шампионите.
Со овие голови, Полјакот само ја продолжи неверојатната серија која се потврдува како најдобар напаѓач на денешницата. Натпреварот во Барселона му беше 18-ти по ред за Баерн во која постигна барем еден гол. Последен пат кога не постигнал гол беше во февруари, и на овие 18 натпревари погоди дури 29 пати.
Со овие два гола, Левандовски прослави и прекрасен јубилеј од 75 гола во Лигата на шампионите. Само Кристијано Роналдо (135) и Лео Меси (120) имаат постигнато повеќе, при што Аргентинецот побрзо стигна до тој јубилеј. Му беа потребни 92 натпревари, на Лева 97, а на Роналдо 111.
Доминацијата на „машината за голови“ на Баерн најдобро се гледа во статистиката од почетокот на сезоната 2019/20. Оттогаш, Левандовски постигна дури 112 гола во сите натпреварувања, далеку зад него второто место го делат Килјан Мбапе и Роналдо со по 76, додека Ерлинг Халанд постигна 73, а Меси 69.
Стартот на новата сезона, кулминирајќи синоќа на „Камп Ноу“, покажа дека Полјакот нема намера да престане со нижење голови. Тој веќе постигна 10 гола во првите шест натпревари.
