Научниците од Универзитетот Дјук го споредија и проценуваа видот на различни животински видови за да утврдат колку е остар, со проучување на анатомијата на окото и користејќи тестови за однесување.
„Во животинското царство, повеќето видови го гледаат светот со многу помалку детали од нас“, вели екологистката Елеонор Кејвс од Универзитетот Дјук.
За да се одреди острината се користеше методот на мерење на циклуси по степен. Потоа информациите биле префрлени на еден вид софтвер кој покажува какви слики гледаат животните.
Колку е остар видот на луѓето? 60 циклуси по степен – што значи дека можеме да видиме 60 пара црно-бели паралелни линии во еден степен на видливост.
Тимот откри дека шимпанзата и другите примати имаат исто ниво на детали што го гледаат како ние. Тоа не е големо изненадување. Интересно е тоа што многу животни не биле подобри од луѓето, освен неколку птици грабливки.
Откриено е дека рибите и повеќето птици гледаат околу 30 циклуси по степен, но слоновите само околу 10.
„Важно е научниците кои ги проучуваат интеракциите на животните да не претпоставуваат дека различните видови ги перцепираат деталите на ист начин како ние“, рече Кејвс.
Важно е да се напомене дека пајаците, рибите или кое било друго животно со ограничена визуелна острина можат да видат подобро отколку што покажуваат истражувањата, поради форма на „пост-обработка“ во мозокот.
Тимот работи само со податоци за очите и не може да каже што прави мозокот на животното со сликата потоа.
И покрај нејзините ограничувања, оваа студија - објавена во списанието Trends in Ecology and Evolution - дава вредни сознанија за тоа колку јасно животните го гледаат светот околу нив.
