Научниците конечно се сложија околу количината на кафе која ни овозможува да го извлечеме најдоброто од кафето.
Повеќе корист отколку штета од кафе ќе имаат луѓето кои пијат три до четири шолји во текот на денот, бидејќи таа количина ќе им го намали ризикот од прерана смрт и кардиоваскуларни болести, во однос на ризикот кај лицата кои воопшто не пијат.
Истражување кое ги споредило податоцитете со 200 истражувања спроведени од порано покажало дека умереното консумирање на кафе го намалува и ризикот од дијабетес, заболувања на црниот дроб, деменција и поединечни видови на канцер.
Научниците заклучиле дека е најдобро да се пие три до четири шолји кафе дневно, освен ако станува збор за трудници или лица за кои од порано е утврдено дека имаат висок притисок.
Новото истражување е спроведено во Универзитетот Саутемптон, а во кое се проучувало 200 поранешни истражувања и 17 клинички студии го водел доктор Робин Пол, со цел подобро да се разбере дејството на еден од најомилените напитоци на луѓето во светот.
„Кафето е безбедно во рамките на вообичаените обрасци на консумација“, стои во истражувањето, објавено во Британски медицински журнал.
Доколку кафето умерено се консумира според споменатата количина, поврзано е со низок ризик од смрт и од болести на срцето.
Според ова истражување, пиењето на повеќе од три шолји кафе дневно не наштетило, но позитивните ефекти на здравјето се послабо изразени.
Сепак, би требало да се земе во предвид фактот дека ова не се однесува на кафето со различни додатоци кои се богати со преработени шеќери и нездрави маснотии.