Освен што се многу забавни, зимските активности се одличен начин за доведување на телото во супер форма. Не залудно се вели дека на телото за на плажа во лето се работи во зима.
Со овие активности и спортови многу добро се топат калориите, а овие податоци ќе ви помогнат да ја одберете активноста што најмногу одговара на вашите потреби:
Скијање
Овој зимски спорт бара огромен напор, а за еден час скијање ќе потрошите 612 калории.
Нордиско скијање
Овој метод на скијање во кој прстите ви се прицврстени за скиите, а петата е слободна е фантастична активност за целото тело, а исто така и ќе го зголемите капацитетот на белите дробови. За еден час ќе стопите 572 калории.
Сноубординг
Ако сакате малку поекстремна и позабавна зимска активност, пробајте сноубординг со кој ќе потрошите околу 485 калории за еден час.
Санкање
Оваа омилена зимска игра од детството не е ограничена со возраст. Покрај тоа што ќе се забавувате, ќе потрошите и 262 калории за еден час.
Лизгање
Соберете го друштвото и правец на лизгалиште! За еден час, со умерена брзина ќе изгорите 460 калории, а ако лизгате поенергично и побрзо и до 510 калории за еден час.
Хокеј
Кога на лизгањето ќе додадете трчање на мраз и замавнување со палка, ќе стопите 545 калории на час. Плус е многу забавно!