Водечките фармацевтски компании се очекува да заработат 32,2 милијарди долари од продажба на вакцини за новиот коронавирус во следната година.
Мултинационалната компанија за финансиски услуги Morgan Stanley објави извештај за очекуваните приходи на водечките фармацевтски компании од продажба на анти-ковид вакцини.
Според тој извештај, американската компанија Pfizer следната година треба да инкасира 19 милијарди долари. Тие средства ќе бидат споделени со неговиот германски партнер BioNTech.
Pfizer треба да добие 975 милиони долари до крајот на оваа година, а во 2022 и 2023 година ќе продолжи продажбата на вакцини, и таа компанија треба да заработи дополнителни 9,3 милијарди долари за тие две години.
Компанијата Moderna, уште еден претставник на американската фармацевтска индустрија што разви и произведе своја вакцина против вирусот, ќе заработи 13,2 милијарди долари од продажбата на таа вакцина следната година. Во следните две години, Moderna би требало да треба да инкасира дополнителни 10 до 15 милијарди долари од продажба на вакцини.