Колку ќе заработи Мајк Тајсон од борбата со Џејк Пол?

Само три дена нè делат од враќањето на легендарниот боксер Мајк Тајсон во рингот, а апсурдниот меч против Џејк Пол сигурно ќе привлече голем број гледачи од целиот свет.

Тоа го поткрепува и вкупниот хонорар за овој натпревар кој според повеќе извори изнесува вртоглави 80 милиони долари.

На Тајсон му се гарантирани 20 милиони долари, додека на 31 година помладиот Пол 40 милиони.

Останатите 20 милиони може да бидат наменети за Мајк во случај на победа или да одат кај организаторите и другите актери на овој настан.

Самиот меч е доста контроверзен, особено поради возраста на боксерската легенда, но се чини дека некој решил добро да го плати овој настан.

Да потсетиме, ноќта од петок кон сабота Тајсон ќе го има првиот професионален меч по речиси цели две децении и мечот против Кевин Мекбрајд.

Мајк ги закачи ракавиците во 2005 година, барем што се однесува до неговата професионална кариера, бидејќи пред четири години направи егзибициски меч против Рој Џонс Јуниор.