Во последните 18 години, цените на автомобилите се зголемија во просек за повеќе од 50 проценти.
Растот на цените на новите возила во последните години сѐ повеќе го привлекува вниманието на љубителите на автомобили, особено оние со малку подобра меморија.
Колку навистина се зголемија цените на автомобилите во последните 18 години? Аналитичарите на JATO Dynamics ги проучуваа каталошките цени на новите возила во периодот од 2002 до 2020 година во два популарни сегмента - мали и компактни автомобили.
Резултатот од нивното истражување е дека просечните продажни цени на малите (субкомпактни) автомобили, како што се Volkswagen Polo, Ford Fiesta, Renault Clio или Opel Corsa, пораснале за дури 59 проценти во последните 18 години.
Според податоците анализирани од ЈАТО, на почетокот на 2000-тите, субкомпактните автомобили чинеа просечно 13.000 евра, а во 2020 година речиси 21.000 евра.
Цените на компактните автомобили во истиот период исто така драстично скокнаа.
Volkswagen Golf, Ford Focus, Renault Megane, Opel Astra и слични модели во 2002 година чинеа, во просек, 18.400 евра. Во 2020 година, нивната цена е речиси 30.000 - зголемување од околу 63 проценти.
Моделите со алтернативни погонски системи (електрифицирани верзии - хибриди), исто така, придонесоа за овој раст. Ако ги погледнеме само цените на верзиите со мотори со внатрешно согорување, зголемувањето на компактниот Ц сегмент беше околу 56 проценти.
Секако, за растот на цените придонесоа и бројните модерни безбедносни технологии, мултимедијални системи и слични поскапи додатоци, а автомобилите сега се и значително поголеми од пред 18 години.
На пример, Polo од 2020 е поширок од Golf од 2002 година. Во тој период, Polo порасна дури 16,5 см во должина.
