Португалскиот јазик е еден од најзастапените во светот, а најпознат е по својата татковина Португалија и по големиот Бразил. Но, колку јазикот во овие две земји е навистина ист?
Со околу 220 милиони говорители португалскиот јазик е шести јазик во светот. Има и околу 50 милиони на кои им е втор јазик. Во Европа е трет најупотребуван јазик, а број еден е во Јужна Америка и во целата Јужна хемисфера.
Официјален статус покрај во Португалија има и во Бразил, Ангола, Мозамбик, Гвинеја-Бисао, Зелен 'Рт, Саун Томе и Принсип, додека коофицијален е во Источен Тимор, Екваторска Гвинеја и Макао. Говорителите на португалскиот јазик се нарекуваат лузофони, според старото име на Португалија од римско време, Луситанија.
Јазикот кој се говори во Португалија и Бразил има иста граматика и исти јазични правила, но огромна е разликата во изговорот. Еден ист збор, напишан на ист начин, често има тотално различен изговор.
На пример, во Португалија многу се „удира“ на гласот Ш особено на крајот на зборовите. На пример зборот armas во Португалија е армаш, додека во Бразил е армас. Потоа разлика има кај гласовите за Д и Џ, како и Т и Ч: dia и gente во Португалија се диа и женте, додека во Бразил се џиа и женчи.
Поради ваквата разлика, сѐ повеќе луѓе португалскиот во Бразил го условуваат едноставно како бразилски.