Веќе со месеци се шпекулира околу влијанието на електронските цигари врз нашето здравје, а сега и резултатите на новите истражувања покажале дека електронските цигари кои содржат никотин предизвикуваат висок притисок, го забрзуваат срцевиот ритам и предизвикуваат срцеви заболувања.
Додека според едни електронските цигари се поздрави од обичните, новите истражувања фрлаат сенка на овие тврдења. Имено, истражувањата од институтот Каролинкс во Стокхолм покажале дека оние кои користат е-цигари со никотин имаат тројно поголеми шанси да добијат некое срцево заболување.
„Бројот на електронските цигари во последните неколку години се зголеми, а сите тврдат дека тие немаат никакво влијание врз здравјето. Тоа од секогаш беше дискутабилно, а сега конечно имаме докази околу штетните дејства на овие електронски цигари со никотин“, вели доктор Магнус Лундбек.
Инаку, истражувањето опфатило 15 млади лица, здрави волонтери на возраст од околу 26 години. Сите пушеле до десет цигари месечно, обично на излегување, а електронски цигари претходно немале ниту пробано.
Во рамките на ова истражување користеле електронски цигари- еден ден оние со никотин, а друг ден оние без никотин.
После ова, кај нив било забележано губење на еласатичноста на артериите, што според доктор Лундбек е состојба која на подолг временски интервал со користење на овие електронски цигари може да доведе до бројни хронични заболувања.
