Доколку на Google пребарате „best number of times to have sex“, ќе ви се прикажат над 2.870.000.000 пребарувања. Факт е дека истражувањата покажуваат различни резултати, ретко се сложуваат. Некои тврдат дека треба да имаме секс што почесто, а некои само тогаш кога постои вистинска желба.
Но, дали постои вистински број за среќа во романтична врска? За среќна врска бидете активни во креветот барем еднаш неделно, вели истражување од 2015 година, објавено во Social Psychological and Personality Science. Во истражувањето учествувале 30.000 Американци, а резултатите покажале дека паровите кои имале повеќе секс не биле посреќни од оние кои имале секс само еднаш неделно.
За некои, секс еднаш неделно би можело да биде знак дека нешто не е во ред во врската. За други, еднаш неделно е сосема доволно бидејќи се навикнати да имаат секс неколку пати месечно и тоа им одговара.
Додека за некои парови количината на секс може да биде индикатор за количина на среќа, за други воопшто не е така. Сите луѓе не се исти и сите немаме исти сексуални желби и нагони. Се работи за тоа да се држите до сопствените стандарди, а не туѓите.
Најважно е дека никој не треба да се чувствува лошо или чудно поради големата или мала желба за секс.