Според студија од 2017 година, просечно човек има секс 54 пати годишно, односно еднаш неделно. Ако вашиот личен просек е многу повисок, тогаш можеби се прашувате колку секс е премногу секс.
За ова има објаснување д-р Ребека Брајтман која има специјализирано гинекологија и репродуктивна медицина.
„Дефиницијата за чест секс варира и ако добро се чувствувате и немате болки, која било количина секс е добра“, вели таа. Со други зборови кажано, може да имате секс колку што сакате сè додека не ги почувствувате негативните ефекти.
Кои знаци говорат дека треба да си дадете малку одмор бидејќи премногу често имате секс?
Главниот физички ризик од премногу секс е прекумерното отекување на вагината и срамните усни, вели гинекологот Шери Рос.
„Во текот на сексуална стимулација овие органи отекуваат бидејќи се полнат со крв, а тоа може да доведе и до претерано отекување и болка“, додава таа.
Исто така, сексот што трае долго може да доведе до сушење на природната лубрикација, а тоа може да предизвика непотребно триење и болка.
„Ако немате доволно предигра нема да има ни доволно лубрикација и сексот ќе биде болен“, објаснува д-р Рос.
Додава дека до вагинална сувост може да дојде кај жените во менопауза што предизвикува печење и болка во текот на пенетрација. Ако вагината по секс ви е болна и отечена, одморете малку и апстинирајте. Не е лошо да почнете да користите лубрикант во следната прилика.
Дали мажите можат да претераат со сексот?
„Мажите можат да доживеат слични тегоби кога ќе претераат. Можат да почувствуваат болка, печење и отекување, а некои можат да имаат проблеми со мокрењето“, вели д-р Рос.
Но, ако немате никакви проблеми, нема ни причини зошто да имате помалку секс, пишува Health.