Новиот премиер Зоран Заев на свое име нема сопствен стан, куќа и возило. Ова го покажуваат податоците кои тој ги доставил во анкетниот лист до Државната комисија за спречување на корпуцијата.
Од она што мже да се забележи е дека дал на заем околу 70.000 евра. Заштеди во банка имаат неговата сопруга и ќерка. Куќата, земјата, деловниот простор и акциите се на име на неговите родители.
Заев ја започнал професионалната кариера во фирмата „Тргопродукт“ – Струмица каде работел во периодот 1997–2003, а во 2001 бил именуван за директор.
Бил член на управниот одбор на штедилницата „Пеон“ и член во управниот одбор на индустријата за градежни материјали „Еленица“ до 2003 година, а ја вршел функцијата претседател на управниот одбор на јавното претпријатие „Комуналец” – Струмица.
Поранешниот премиер Никола Груевски, пак, има заштеда во речиси сите банки и валути. Пријавил 9 милиони и 600.000 денари, или околу 150.000 евра, дополнително има заштеда од околу 41.000 евра, 2.000 швајцарски франци и стотина долари и фунти.
