Искористете ги првите сончеви денови за здрави физички активности.
Пешачењето може да стане вашата омилена физичка активност доколку ги разберете сите негови придобивки. Секако, омиленото нешто кај оваа физичка активност е фактот што го одржуваме телото во форма и го враќаме во форма, но ќе ни помогне и да се ослободиме од мастите од различни делови од телото.
Ако сакате да пешачите и целта ви е да ги изгубите вишокот килограми, колку километри треба да поминете секој ден, колку чекори да направите или колку минути да пешачите? Според сегашните препораки, тоа е помеѓу 150 и 300 минути неделно. Поточно, треба да пешачите по половина час, пет дена во неделата.
Меѓутоа, доколку сакате да бидете сигурни дека правите нешто за вашето тело, треба да пешачите малку подолго од тоа. Научникот Седрик Брајант вели дека треба да се трудите да пешачите од 45 минути до еден час секој ден. И не мора да го правите тоа одеднаш, можете да одите на неколку прошетки дневно.
Тој советува и кога малку ќе напреднете, поставувајте си предизвици и почнете да одите по угорница. Покрај тоа, бидете креативни со вашите прошетки. Променете ја трасата, површината, околината...