Аргентинската суперѕвезда потпиша нов договор со тимот на Барселона и сега тој е најплатениот играч во Ла Лига, престигнувајќи го двоецот на Реал Мадрид, Герет Бејл и Кристијано Роналдо.
Со новиот договор, Лионел Меси ќе остане во Барселона до 2021 година.
Потпишувајќи го новиот договор, Меси одговори на шпекулациите кои велеа дека тој ќе ја напушти Барселона на крајот на оваа сезона. Сега, со одличниот почеток на новата сезона и индивидуалниот успех на Аргентинецот, скоро сигурно е дека тој ќе ја заврши кариерата во каталонскиот клуб.
Колку заработува Меси?
Новиот договор ќе му донесе на Меси заработка од околу 560 милиони долари неделно. Тешко е да се потврди која е точната сума, но се знае дека тој сега е вториот најплатен играч во Европа, веднаш зад поранешниот соиграч, Нејмар.
Кои компании го спонзорираат Меси?
Покрај партнерството со Adidas, Лионел Меси има потпишано и скапи договори со Pepsi, Gillette и Turkish Airlines. Според Forbes, тој заработува околу 28 милиони долари годишно само од спонзорствата.
Колкава е вкупната вредност на Меси?
Иако малку заостанува зад најголемиот ривал, Роналдо, сепак вредноста на Аргентинецот воопшто не е за потценување. Тој вреди околу 260 милиони долари, што најмногу се должи на неговото име, и рекламите и спонзорствата кое тоа ги носи.
Можеби Лионел Меси никогаш нема да ја достигне маркетиншката моќ на неговиот ривал Кристијано Роналдо, но мора да се признае дека бројките кои тој ги заработува се, во најмала рака, импресивни.
