Новак Ѓоковиќ денеска ја започнува сезоната на трева со егзибициски настап во Лондон, кој ќе биде увертира за Вимблдон, а до неодамна најдобриот светски тенисер на All England Club ќе настапи во нова опрема која чини многу.
Ѓоковиќ соработува со неколку од најпознатите производители на опрема кои на секој голем турнир лансираат нова линија на неговите брендирани артикли, а доколку сакате да се тренирате како него, ќе треба да издвоите значителна сума за тоа.
Lacoste ја дизајнира облеката за Ѓоковиќ, Asics е задолжена за патиките, а Новак игра со рекети Head. Традиционално, опремата на сите тенисери на Вимблдон ќе биде бела, а српските медиуми анализираа колку чини секоја опрема поединечно.
Поло маицата на Новак чини околу 100 евра, шорцевите се нешто поевтини и може да се купат за некои 80 евра. Дуксерите чинат 11 евра по парче, а чорапите околу 15. Тенка јакна вреди околу 150 евра, а белите патики Asics со тенки зелени линии околу 150 евра.
Интересно е што рекетот со кој настапува Ѓоковиќ не може да се најде во слободна продажба, а чини 200 евра. Конечно, торбата Head е во вредност од 100 евра, со што цифрата е околу 850 евра.