Раскинувањето на врска е болна точка без разлика дали со некого сте минале неколку месеци или станува збор за развод. Кога луѓето минуваат низ таа фаза бараат утешен одговор на прашањето до кога ќе потрае таа состојба.
Иако не постои конечен одговор на тоа прашање, до кога ќе го преболите раскинувањето, недамнешно истражување на OnePoll покажа дека повеќето луѓе во просек трошат 18 месеци од животот со помирување со разделби. Тоа значи дека трите позначајни раскинувања носат по 6 месеци тагување.
Раскинувањето со себе повлекува промена на рутини и навики на кои сме се навикнале во текот на врската или заедничкиот живот. Потоа настапува период на адаптирање на самостојно функционирање, понекогаш и промена на адреса или круг на пријатели.
Врската е нешто со што се идентификуваме, па неретко може да слушнеме коментар како некој го преболел раскинувањето, но не и чувството на битување во врската.
Доколку минувате низ раскинување, знајте дека е важно да си дадете простор, време и разбирање, да бидете подготвени на подеми и падови. Се чини дека половина година е вистинската мерка за разделување од тоа искуство и личност, но секој во вистинското време ќе го препознае тој пресвртен момент.