Во сезоната на слави и празници, сармата е редовно на нашето мени.
Со оглед на тоа дека најчесто се прави сарма во големи количини и не може да се изеде одеднаш, сигурно сте се прашале колку време може да ја чувате сармата во фрижидер.
Во добро затворен сад, сармата (претходно оладена на собна температура) може да ја чувате во фрижидер до седум дена, а во замрзнувач од 3 до 4 месеци.
Сармата, и општо сите јадења од кисела зелка со месо, како подварок, може долго да се чуваат во фрижидер ако се спакуваат на правилен начин.
Треба да напоменеме дека со подгревање, киселата зелка губи од својата хранлива вредност.
Пред замрзнување се препорачува да ја оладите, па да ја поделите на порции, а не да ја замрзнувате во еден голем сад.
Одмрзнувањето да се прави постепено, во обичен фрижидер, па потоа во рерна или микробранова печка.
Не заборавајте дека храната што еднаш сте ја одмрзнале не треба да ја замрзнувате повторно за јадење.