Ако мислите дека по една непроспиена ноќ може да закрепнете веќе следниот ден доколку си легнете на време, грешите. За закрепнување на мозокот потребно е многу повеќе време.
Недостатокот на сон го загрозува менталното, но и физичкото здравје. Статистиката укажува на фактот дека 45% од светското население страда од проблеми поврзани со спиењето, пишува Metro.
Повеќето луѓе веруваат дека една или две ноќи добар сон може да го надомести изгубеното. Но, тоа не е баш така лесно.
Ново истражување покажа дека луѓето кои спиеле 30% помалку отколку што им било потребно, во целост не ја закрепнале својата когнитивна функција дури ни по седум ноќи добар сон.
Иако студијата е спроведена на мал број учесници, експерти за спиење се сложуваат со резултатите.
„Студијата покажа дека постојат работи како паметење и брзина на ментална обработка на податоци кои нема така брзо да се обноват“, вели д-р Рај Дасгупта, специјалист за спиење.
На мозокот му е потребен непрекинат циклус спиења за да научи нови вештини, создаде нови спомени и ги закрепне умот и телото по напорниот ден.