Филмскиот универзум на Marvel е составен од омилените ликови на една цела генерација. Од Iron Man, преку Captain America, па до Spider-Man, суперхероите донесоа еден поинаков свет на филмското платно, но со тоа заработија и многу пари за студиото.
Откако беше купено од Disney за „само“ 4 милијарди американски долари, студиото Marvel почна да продуцира филмски хитови кои оставија длабок траг на филмската индустрија.
Сега сите сакаат да се како Marvel, сите сакаат да имаат голема фан-база која религиозно ги следи не само филмовите, туку и вестите за филмскиот универзум, купуваат маички и акциони фигури и доаѓаат на секоја премиера. Тоа направи популарноста на филмовите со суперхерои да се зголеми и Marvel почна да заработува уште повеќе пари.
Бидејќи и понатаму DC не можат да најдат рецепт за успех, како што го направија тоа Marvel, љубителите на стрипови се дел од верната публика и обично се присутни на секоја проекција на филмовите кои доаѓаат од ова студио. Заработката е голема и секоја наредна година се зголемува уште повеќе.
Од сите филмови на Marvel, досега најмалку заработи „The Incredible Hulk“, 263 милиони долари. Иако многумина го прогласија за разочарување, сепак тој успеа да заработи околу 110 милиони повеќе од неговиот буџет. Истата година (2008) излезе и првиот „Iron Man“ филм, кој ги надмина сите очекувања и заработи 585 милиони долари, со оперативен буџет од 140 милиони долари. Со овие два филма Marvel веќе знаеја дека се на вистинскиот пат.
Засега најголема заработка од сите филмови има „Avengers: Age of Ultron“, кој успеа да собере 1,4 милијарди долари на боксофисот. Од оваа бројка не е далеку ниту „Captain America: Civil War“, кој заработи скоро 1,2 милијарди, а во негова близина се наоѓа и најновиот филм од оваа франшиза, „Black Panther“, кој минатиот викенд ја помина границата од 1 милијарда долари.
До овој момент, сите филмови на студиото Marvel заедно заработија повеќе од 10,9 милијарди долари на светскиот боксофис, а додека да престане прикажувањето на „Black Panther“ може да се очекува заработката да достигне 11 милијарди американски долари.
Според сите очекувања, новиот „Avengers: Infinity War“ би требало да ги собори сите рекорди и се очекува дури да заработи некаде во близината на 2 милијарди долари. Првичните проценки на студиото се дека очекувана е заработка од над 1,5 милијарди долари, а доколку филмот биде добро прифатен од критичарите и публиката, може да се очекува неговото продолжение да заработи уште повеќе.
