Мараја Кери е надалеку позната како кралица на Божиќ поради нејзината хит песна која свири апсолутно насекаде кога ќе дојдат празниците.

„All I Want for Christmas“ ги руши рекордите на продажба и стриминг секоја празнична сезона. Сепак, време е да дознаеме колку пари добива Кери за овој хит.
Мараја Кери со децении е една од најуспешните пејачки во светот. Пред да ги спомнеме нејзините авторски права за божиќната песна, прво ќе ја откриеме нејзината нето вредност.
Американската пејачка, продуцентка, актерка и претприемачка е активна со децении. Таа е една од 15-те најпродавани уметници во музичката историја, има продадено над 200 милиони албуми ширум светот. Таа е и втората најпродавана жена уметник на сите времиња, веднаш зад Мадона. Сепак, таа има повеќе песни број еден од која било друга пејачка во историјата на американските топ листи. Во однос на нејзината вкупна нето вредност, Мараја Кери вреди неверојатни 350 милиони долари.
Секоја година Мараја Кери заработува уште повеќе пари благодарение на една песна - „All I Want for Christmas“ . Минатата година имаше огромен пораст во однос на претходните години поради стриминг сервисите.
По објавувањето, нејзиниот хит заработи 60 милиони долари хонорар, според Forbes. Сега Кери заработува околу 2,5 милиони долари годишен хонорар, според пресметките на The Economist. The New York Post проценува дека таа бројка е уште поголема - 3 милиони долари.
На 13 декември, „All I Want for Christmas Is You“ стана првата празнична песна што достигна две милијарди стримови на Spotify.
Безвременска песна која ќе продолжи да заработува милиони долари. Повеќе од јасно е дека оваа песна е главниот „виновник“ за титулата на Мараја Кери како кралица на Божиќ.