Романтичната комедија „Crazy Rich Asians“ ги надмина очекувањата на критичарите и го освои американскиот бокс-офис во премиерното прикажување со заработка од 25.2 милиони долари. Филмот на Warner Bros. е првата романтична комедија која во последните три години се има најдено на врвот.
Од премиерата до денес, филмот со буџет од 30 милиони долари има заработено 34 милиони на бокс-офисот. Станува збор за адаптација на исотимениот бестселер од Кевин Кван и ја раскажува приказната за Американка со азиско потекло која ќе се соочи со културен шок откако ќе се запознае со фамилијата на нејзиното богато момче од Сингапур. Во главните улоги се појавуваат Констанс Ву и Хенри Голдинг.
На второ место се најде хорор трилерот „The Meg“ со заработка од 21.2 милиони долари, додека третото место му припадна на „Mile 22“ со заработка од 13.6 милиони долари.
Ова се останатите најгледани филмови:
1. Crazy Rich Asians – 25.2 милиони долари
2. The Meg – 21.6
3. Mile 22 – 13.6
4. Alpha – 10.5
5. Mission: Impossible – Fallout – 10.5
6. Christopher Robin – 8.9
7. BlacKkKlansman – 7
8. Slender Man – 5
9. Hotel Transylvania 3: Summer Vacation – 3.7
10. Mamma Mia! Here We Go Again – 3.9 милиони долари.