Во врска со барањето на прилепскиот градоначалник за воведување карантин во тој град, портпаролот на Владата, Душко Арсовски денеска рече дека во Прилеп ситуацијата е алармантна и во петок Комисијата за заразни болести ќе го разгледува тоа како проблем.
– Би требало оттаму да произлезат следните чекори, начините, мерките и што ќе се преземе во Прилеп за да се намали процентот на заразени со COVID-19, додаде Арсовски, одговарајќи на новинарско прашање по прес-конференцијата во Владата.
Според статистиката на Министерството за здравство, вчера во Прилеп беа забележани 83 нови случаи на коронавирус, а починаа 6 лица на возраст од 65, 65, 69, 69, 69 и 72 години.