Најпрестижниот модел на Volvo го привлекува вниманието со своите технолошки достигнувања, но и со начинот на кој е создаден.
По долги најави, Volvo конечно го претстави EX90, духовниот наследник на XC90 и главниот конкурент во битката со премиум електричните теренци од калибарот на BMW iX. Од Volvo велат дека EX90 започнува нова ера во речиси стогодишната историја на брендот.
Тоа е првиот модел откако Џим Роуан дојде на чело на компанијата во март, но и првиот модел целосно дефиниран со софтвер, кој „со текот на времето ќе биде подобар“. Возилото е како компјутер на тркала со можност за ажурирање од далечина.
Се подразбира дека ова е најбезбедното Volvo во историјата. Овој теренец има „невидлив безбедносен штит“, што овозможува да се намали бројот на сообраќајни несреќи со сериозни последици и до 20 проценти, објаснува Роуан. Осум камери, пет радари и еден лидар го снабдуваат централниот компјутер со вредни информации. На пример, лидарот на Luminar наскоро ќе биде стандарден во Volvo, а овде го скенира просторот и регистрира пешак до 250 метри, дури и при големи брзини.
Стигнуваме и до автономното управување на возилото, што е овозможено од сопствениот систем и ја користи платформата Nvidia (Xavier) и производите на Orin. Поддржува автономно управување на ниво 3 со можност за 30 илјади милијарди операции во секунда. Системот Orin, од друга страна, нуди до 254 илјади милијарди операции во секунда и овозможува скок кон автономно управување на ниво 5, нагласува Automotive News Europe.
EX90 има процесорска единица Qualcomm Snapdragon за напојување на повеќето функции на автомобилот, од следење на возење до инфозабава.
Време е да се спомене возењето. EX 90 има две верзии на погонот, и двете доаѓаат со батерија со капацитет од 107 kWh и можност за полнење со моќност до 250 kW. Тоа значи дека полнењето од 10 до 80 отсто капацитет трае половина час. Досегот е 600 км, а кај послабите изведби станува збор за 414 КС и 770 Nm и 517 КС и 910 Nm за верзијата Performance. И покрај тежината од 2818 кг, ова Volvo со AWD погон достигнува 100 км/час за 4,9 секунди.
Однадвор, EX90 се базира на минатогодишниот Concept Recharge, додека во внатрешноста на кабината се врати во реалниот свет. Има централен екран од 14,5 инчи кој ги опслужува речиси сите функции, а се базира на оперативниот систем Google Android Automotive.
Сè на сè, Volvo направи одлична работа успешно одвојувајќи го EX90 од Polestar 3, со кој дели богатство на технологија. Во исто време, Volvo ја нагласува удобноста нудејќи три реда седишта и технологии кои ја олеснуваат километражата.
Целосно автономното возење допрва ќе треба да почека, но за безгрижно возење има две камери кои постојано го следат возачот и неговиот фокус.
„Нашите сензори никогаш не се заморуваат. Тие се дизајнирани да реагираат и да одговорат кога ќе задоцните само за дел од секундата“, објаснува Роуан.
Ако сте љубител на XC90, има добри вести. Овој модел останува во понудата и ќе биде темелно освежен, што не е чудно со оглед на тоа што моментално го држи третото место во рангирањето на најпопуларните, веднаш зад BMW X5 и Mercedes GLE. Барем до 2030 година, кога целата гама на брендот ќе биде електрична.
Погледнете го EX90 од секој агол во нашата ГАЛЕРИЈА.
