Основачот на Викиликс, Џулијан Асанж, нема да биде екстрадиран во САД по обвинението дека е шпион, изјави британската судијка Ванеса Бараистер.
Судијката објасни дека тоа би било репресивна мерка поради неговата ментална состојба.
Барајтсер денес изјави дека Асанж најверојатно ќе изврши самоубиство доколку биде екстрадиран во САД, објави Аssociated Press.
Владата на САД соопшти дека ќе ја обжали пресудата.
Новинарски екипи се собраа пред судот, како и луѓе кои го поддржуваат Асанж. За неговите приврзаници, 49-годишниот Асанж стана симбол на борбата за слобода на информирање.
Останува да видиме каков ќе биде односот на идниот американски претседател Џо Бајден кон основачот на Викиликс. Покрената е постапка против Асанж под претседателството на Доналд Трамп. За време на претходникот на Трамп, Барак Обама, кому Бајден му беше потпретседател, американските судови се откажаа од гонење на Асанж.
Сепак, пред 10 години, Бајден го спореди Асанж со „високотехолошки терорист“.
На 11 април 2019 година, основачот на Викиликс беше протеран од еквадорската амбасада во Лондон, каде се засолни во 2012 година, а британската полиција веднаш го уапси.
Соединетите Американски Држави побараа екстрадиција на Асанж, кој се соочува со вкупно 18 точки од обвинението во САД и се соочува со 175 години затвор доколку биде осуден за шпионажа и предавство за објавување тајни државни документи за американските воени и дипломатски активности, особено во Ирак и Авганистан.
