Лука Дончиќ конечно личи на кошаркарот што сме навикнати да го гледаме на терените во НБА, а ноќеска го одигра својот најдобар натпревар во дресот на Лос Анџелес Лејкерс.
Лејкерс одиграа гостински натпревар против Денвер Нагетс и со водство на фантастичниот Словенец ги совладаа со 123:100, а Дончиќ покажа што знае и умее.
Дончиќ за 30 минути на теренот постигна 32 поена, имаше 10 скокови и додаде 7 асистенции, а на сето тоа додаде 4 украдени топки и блокада.
Добра партија имаше и Леброн Џејмс со 25 поени, 9 скокови и 5 асистенции, а имаше и 3 блокови, додека Никола Јокиќ постигна 12 поени, имаше 13 скокови и подели 10 асистенции за нов трипл-дабл.
Дончиќ ја задржа насмевката на лицето во текот на целиот натпревар, а конечно стана јасно колку е среќен игра во дресот на Лејкерс, по шокантниот трејд од Далас Маверикс.
За потсетување, на крајот од трејд периодот во НБА, тој стана член на Лејкерс, кои во замена за него ги испратија Ентони Дејвис и Макс Кристи во Далас.
Резултати:
Филаделфија 76ерс - Бруклин Нетс 103:105
Денвер Нагетс - Лос Анџелес Лејкерс 100:123
Јута Џез - Хјустон Рокитс 124:115
Портланд Треил Блејзерс - Шарлот Хорнетс 141:88
Табела:
