„Многу мажи не сакаат да зависат од другата страна кога станува збор за контрацепција. Пилулите за жени се многу ефикасни, но сепак има 80 милиони непланирани бремености годишно“, велат фармацевтите.
Милиони жени ширум светот користат контрацептивни пилули, а наскоро ќе им се придружат и мажите. Австралиски научници од Институтот Монаш направија машка контрацептивна пилула што ја блокира спермата, а го зголемува либидото.
„Пилулите едноставно ја забавуваат контракцијата на мускулите што ја исфрлаат спермата. Спермата останува недопрена и безбедна. Пилулите не делуваат на нејзиниот квалитет“, објаснува фармацевтот Саб Вентура кој работеше на истражувањето.
Ако и последната фаза на тестирање биде успешна, контрацептивната пилула за мажи би можело да се најде на пазарот за пет до 10 години.
