Враќањето на Линда Хамилтон во новиот „Terminator“ е мал подарок за верните фанови кои останаа со оваа франшиза низ годините кога квалитетот на филмовите драстично се намалуваше. Нејзиното повторно обединување со Арнолд Шварценегер добива ново име, кое конечно беше споделено со јавноста.
Шестото продолжение на серијалот „Terminator“ ќе биде наречено „Dark Fate“. Продуцент на филмот е легендарниот Џејмс Камерон, додека на режисерското столче се наоѓа Тим Милер, познат по работата на филмот „Deadpool“.
Студиото потврди дека филмот во кој ќе се појават Мекензи Дејвис и Натали Рејес, покрај Хамилтон и Шварценегер, ќе го носи името „Terminator: Dark Fate“. Како што претходно беше најавено, филмот ќе биде директно продолжение на хитот од 1991 година „Terminator: Judgement Day“, бидејќи креаторот Џејмс Камерон реши да ги избрише сите филмови кои следуваа по него.
Датумот за премиера на „Terminator: Dark Fate“ е 1 ноември 2019 година.
