Мумија на фараон откриена во 1881 годна досега беше предмет на научни дебати бидејќи не можеше да се утврди точната причина за смртта. Модерната технологија конечно ја реши оваа мистерија.
Се работи за фараонот Секененре Тао II, наречен Храбриот, кој во средината на XVI пред новата ера кратко владеел со Јужен Египет. Во периодот од 1560 до 1555 година п.н.е., за време на неговото владеење, Среден и Горен Египет биле под управа на династијата на Хиксите, народ кој од Палестина и Сирија дошол во Египет.
Мумифицираните остатоци на фараонот, првично откриени во 1881 година во некропола во Теба, изгледале како на нив да нема никаква рана, додека на главата на фараонот имало траги од тешки повреди, но точната причина за смртта била предмет на жолчна и долга дебата.
Научниците прво пробале причините за смрт да ги утврдат визуелно, а потоа и со Х-зраци кон крајот на 60-тите години од минатиот век. Мумијата била во доста лоша состојба, што сигерирало дека балсамирањето биле направено набрзина и нескладно со кралските протоколи на мумификација.
Благодарение на модерната технологија на ЦТ скенирање на остатоците од фараонот, забележани се рани претходно неоткриени, а научниците сега открија и дека рацете на фараонот му биле заврзани зад грбот. Откриено е дека тој бил церемонијално погубен откако бил заробен за време на битка со Хиксите.
„Тоа ни сурегира дека Секененре Тао II навистина бил во првата линија на фронтот заедно со своите војници, ризикувајќи го својот живот за ослободување на Египет“, вели палеорадиологот Сахар Салем од египетскиот Универзитет во Каиро.
Истражувачите, исто така, утврдиле дека фараонот веројатно бил погубен од неколку напаѓачи, бидејќи трагите од повреди на неговото тело покажуваат дека настанале од пет различни оружја.
„За време на погубувањето на врзаниот затвореник, може да се претпостави деја постоел само еден напаѓач, кој го удирал од различни страни, но не и со различни оружја. Смртта на Секененре Тао II била церемонијално погубување“, заклучува Салем.
Секененре Тао II би осми фараон на 17-тата египетска династија. Тој ја почнал борбата за ослободување на цел Египет од Хиксите, но иако загинал во обидот, неговиот син Амхос I подоцна ја продолжил борбата и успеал да ги избрка натрапниците.