Светот на тенисот неодамна беше шокиран од веста дека Новак Ѓоковиќ и неговиот легендарен тренер Марјан Вајда прекинале да соработуваат, а по сè изгледа денеска конечно ја добивме причината за разидувањето.
Вајда и Ѓоковиќ повеќе од една деценија соработуваат со многу успеси и заедно ги постигнаа најголемите достигнувања во светот на спортот. Така Ѓоковиќ ги освои сите најголеми турнири во светот на тенисот.
На почетокот на оваа година дојде до неочекуван прекин на соработката. Автобиографот на книгата за Новак Ѓоковиќ, Австриецот Даниел Мукш, тврди дека причината е што Вајда не се согласувал со Ѓоковиќ, кој се противел на вакцинацијата.
„Знам дека тоа е една од причините зошто Вајда ја прекина соработката. Тоа донесе големи дискусии и Вајда гледаше на проблемот со вакцинацијата сосема поинаку. Тој силно го советуваше Ѓоковиќ да се вакцинира“, изјави Мукш за германски Sport1.
Ѓоковиќ поради вакцинацијата не можеше да настапи на првите три големи турнири оваа сезона. Помина низ вистинска драма во Мелбурн и не настапи на Австралија Опен, а потоа ги пропушти првите два турнири од Мастерс 1000 (Индијан Велс и Мајами).
Српскиот тенисер оваа недела доби можност конечно да настапи на турнирот Мастерс 1000 во Монте Карло, но во првиот меч беше поразен од Алехандро Давидович Фокина.
