Останати спортови

Конор Мекгрегор го одбра противникот за следната борба во UFC

20. јануари 2019 - 16:23 | К.З.

Ирецот Конор Мекгрегор ќе се обиде да се врати во UFC натпреварувањето за да обезбеди борба против шампионот Хабиб Нурмагомедов, но најпрво ќе мора да помине преку пречката наречена Доналд „Каубој“ Серон.

Доналд Серон се прослави на UFC настанот во Бруклин, каде го шокираше фаворитот Алекс Хернандез со нокаут во втората рунда. На истиот тој настан во Бруклин, кратко по борбата, Доналд го предизвика Конор Мекгрегор на дуел.

„Сакам да влезам во Топ 5 и сакам да се борам против Конор (Мекгрегор). Секако, само доколку тој прифати“, изјави тогаш Серон.

Од другата страна, Конор Мекгрегор едвај чекаше нов противник за да може да се врати на мапата во УФЦ натпреварувањето, па реши го прифати предизвикот на Серон.

На него му требаше борба со нов противник пред да може да го предизвика шампионот Хабиб Нурмагомедов на дуел, откако минатата година загуби од него.

Коментирај