Интер непланирано испадна од Лигата на шампионите, а стратегот Антонио Конте има оправдување.
Синоќа Интер сам си ја решаваше судбината. Сѐ што требаше да направи беше на домашен терен да го победи украински Шахтар, но во една анемична игра „Нераѕурите“ одиграа само без голови. Истиот резулатат беше и на првиот натпревар во Киев.
„Тимот направи сѐ што требаше. Неверојатно е што не дадовме ниту еден гол во 180 минути доминација против Шахтар. Не е дека на момците им фали одлучност, тие дадо сѐ од себе. Имавме шанси, тие одиграа добро и имаа среќа. Нивниот голман беше најдобар играч на теренот“, вели Конте.
Интер синоќа делуваше плашливо, како никоја фудбалер да не сака да преземе одговорност. Со право новинарите на синоќешната прес-конференција бараа од Конте да каже зошто на тимот на недостасуваше одлучност, агресивност.
„Има работи кои мора да се анализираат со ладна глава, а не веднаш по крајот на натпреварот. Имаме премногу за што да жалиме, но едноставно не чувствувам потреба да кажам дека ни недостасуваше одлучност, фокус или агресивност. Ни фалеше гол, а за жал кога нема да дадеш гол нема ни да победиш. Ние немавме среќа во Лигата на шампиониоте, со оглед на инцидентите и судиските одлуки. Сега, кога групната фаза заврши, мислам дека можам да кажам дека бевме казнети од ВАР поради многу инциденти кои не беа анализирани“.
Критики Конте трпи и за замените, кои според многумина повторно дојдоа премногу доцна. Првата замена Конте ја направи дури во 68. минута, а втората во 75-тата. Потоа направи три замени на 5 минути пред крајот.
„Немавме многу опции. Перишиќ го ставив како крило после еден час, а Санчес го замени Гаљардини на 20 минути пред крајот. Загубивме баланс. Потоа Ериксен влезе кога енергијата на Лаутаро опадна. Не смее да заборавиме дека Шахтар го промени својот начин на игра против нас откако прими пет гола лани во Лига Европа. Ова сега ни се случува против секој тим со кој играме“, се правда Конте.
Интересно, Интер и Шахтар се сретнаа и во авгусѕ во полуфиналето од Лига Европа кога тимот од Милано победи со убедливи 5:0. Сега, на два натпревара против истиот противник не постигна ниту еден гол.