Наполи планира дополнително да се засили во јануари, за да ја задржи константноста и конкурентноста во борбата за Скудетото.
Тренерот на „Партенопеите“, Антонио Конте, на првиот човек на клубот, Аурелио де Лаурентис, му го претставил списокот на фудбалери кои според него би можеле да придонесат во трката за титулата и да му донесат сериозен квалитет на Наполи.
Тоа се дефанзивецот Данило од Јувентус, офанзивецот до средината Лоренцо Пелегрини од Рома и левиот бек Кристиано Бираги од Фиорентина.
Наполи е на само два бода од врвот на табелата и, за разлика од главните конкуренти за титулата, Аталанта и Интер, не игра во Европа и целиот фокус му е на Серија А.
