Фудбал

Конте им дели и сексуални совети на своите играчи

22. ноември 2019 - 15:25 | Ф.З.

Звучи чудно, но стратегот на Интер на секој можем начин сака да го вади максимумот од своите фудбалери па дури и со совети за тоа како да не трошат енергија при секс.

Да, Антонио Конте освен тренерскиот занеат е и сексуален советник. Така барем се пофали во интервју за францускиот L'Équipe, дека им дели сексуални совети на играчите на Интер за тие да ја сочуваат енергијата за натпреварите.

„За време на натпреварувачката сезона ги советувам моите играчи дека сексуалниот однос не треба да трае долго и да вложат минимален напор за да се потроши што е можно помалку сила. Тоа значи дека треба да практикуваат положби во кои тие се под партнерката“, Конте ја открива тајната за тоа како фудбалерот да има секс, а сепак потоа да даде максимум на зелениот терен.

Со вакви совети Конте дефинитивно ќе го навлече гневот на сопругите и девојките на фудбалерите кои секако не сакаат нивниот сексуален однос да трае што е можно пократко.

„И препорачливо е тоа да го прават со нивните сопруги и декојки бидејќи доколку го прават со други, па, тоа бара повеќе акција“, Конте не е загрижен дали неговите фудбалери се верни, туку секс се љубовница бара повеќе напор, а тоа потоа може да се одрази негативно врз перформансите на теренот.

Малку е необично кога ќе замислиме како би се одвивал еден таков муабет помеѓу Антонио Конте и ете нека биде на пример Ромелу Лукаку. Дефинитивно смешно.

Колку играчите на „Нераѕурите“ ги слушаат и почитуваат неговите сексуални совети, засега останува непознато. Како и да е, нареден пат кога ќе видиме играч на Интер да не дава сѐ од себе на натпревар, прва претпоставка зошто е тоа така ќе биде дека не ги слушал секс советите на Антонио Конте.

Коментирај