Во последниот натпревар од 24. коло во Серија А, Лацио синоќа на домашен терен го победи Интер со 2:1.
Гостите од Милано први дојдоа во водство со голот на Ешли Јанг, Чиро Имобиле изедначи од пенал, а победничкиот гол за Лацијалите беше дело на Сергеј Милинковиќ-Савиќ.
За тимот предводен од Антонио Конте ова беше прв пораз по 16 натпревари.
Конте е разочаран и вели дека неговиот тим им ги подарил головите на Лацио.
Лацио со 56 бодови се искачи на второто место на табелата со само еден бод зад лидерот Јувентус.
Интер падна на третата позиција на табелата со 54 бодови.