Антонио Конте го напушти Интер откако мина помалку од две години во тимот.
Тоа време го искористи за пласман во финалето на Лига Европа и прекин на доминацијата на Јувентус, односно за освојувањето на шампионската титула на Интер во Серија А, прва од сезоната 2009/10.
Според него, тој се раздели од Интер спогодбено и преполн со емоции.
Дел од нив ги сподели на Instagram со пријателите и навивачите. Конте истакна дека неговата екипа секојдневно станувала посилна, поодлучна, повеќе пожртвувана.
„Ја вративме шампионската титула на Интер по 11 години, но над сè, го вративме Интер онаму каде што припаѓа според традицијата и историјата“, порача тој заблагодарувајќи им се на сите кои го овозможија тоа, особено обраќајќи се на навивачите со благодарност за поддршката и лојалноста во овој тежок период.