Антонио Конте откри дека воопшто не се брза да потпише продолжување на договорот со клубот од Северен Лондон, но и дека е среќен и задоволен со тимот и дека останувањето ќе се оствари.
Кога во ноември 2021 година Конте дојде во Лондон потпиша договор на 18 месеци со Тотенхем, заклучно до јуни 2023 година.
Лошите резултати на Јувентус сезонава придонесоа да почнат шпекулации дека Максимилијано Алегри ќе добие отказ, а на клупата на торинскиот гигант ќе седне токму Конте. Таквите гласини на италијанскиот стратег не му се допаѓаат иако го нема продолжено договорот со Тотенхем и не ни преговара за такво нешто.
„Кажав и порано, не ми треба нов договор за да бидам сигурен дека ќе останам во клубот. Воедно, и за клубот е добра инвестиција да има тренер како мене и мојот стручен штаб. Мислам дека во вистинското време ќе ја донесам најдобрата одлука. Во моментов сум навистина среќен“, изјави Конте не прес-конференција.
„Не сакам да го напрегам клубот за ова бидејќи не е вистинското време. Само што ја почнавме сезонатга и имаме долго време да коегзистираме заедно и да се разбереме, да продолжиме да работиме заедно“.
„Нема договор, нема никаква опција. Ако клубот и тренерот сакаат да работат заедно, ќе продолжат да работат заедно“, додаде.
„Ако не сакаат да работат заедно, ќе стават крај. Ова не е важно. Најважно за мене е што навистина уживам работејќи со Тотенхем, со овие играчи, особено тоа, а и односите со Даниел (Леви) и Фабио (Паратичи) се добри“, заврши Конте.
Конте освои 3 титули во Серија А со Јувентус, а потоа и 1 со Интер, по чие освојување си замина од Милано, направи мала пауза, па дојде во Тотенхем.
