Интер успеа со неверојатен пресврт да слави над Фиорентина, но од прикажаното јасно е дека нешто не фукционира во тимот на Антонио Конте.
„Минатата сезона се изборивме за кредибилитет, како во Италија, така и надвор со финалето во Лига Европа. Завршивме втори, го вративме Интер онаму каде што припаѓа, а мора и да ги радуваме навивачите и со вакви натпревари“, почна Конте во однос на синоќешниот прв натпревар за Интер во новата сезона.
„Три важни бода, имаме и позитивни страни како на пример четвртиот гол и многуте создадени шанси. Дронговски беше одличен. Офанзивно, на Фиорентина ѝ направивме многу проблеми, но истовремено не бевме така добри спречувајќи ги нивните напади. Тука мора да се подобриме, да направиме баланс“.
Нефункционирањето на одбраната при нападите на Виола што резултираше со три гола во мрежата на Хандановиќ, Конте го правда со тоа што младиот Алесандро Бастони прв пат играше како централен во дефанзивното трио, а Александар Коларов го имаше своето деби во тимот.
„Бастони прв пат играше како централен дефанзивец, Коларов дебитираше. Создававме многу шанси носејќи многу играчи напред, можеби и премногу. Играчите од средината мора да го направат балансот, на моменти таму противникот ни правеше проблеми. Мора да обрнеме поголемо внимание на ова“.
