Конте за бламажата во Словенија: По три недели почнувам да ја разбирам ситуацијата во Тотенхем

Тренерот на Тотенхем, Антонио Конте, даде прилично искрена изјава по поразот од неговиот тим и големиот срам против Мура во Конференциската лига.

Тотенхем беше поразен со 2:1 на гостувањето кај Мура, што е еден од најболните порази во историјата на клубот. Резултатот е уште поболен за „Спарс“ ако се земе предвид дека синоќа играа сите ѕвезди на клубот, без разлика дали од првата минута или влегоа во игра.

Италијанскиот стратег на прес-конференцијата не ја криеше тагата поради резултатот и рече дека почнува да сфаќа каква е ситуацијата во клубот.

„По три недели во Тотенхем, почнувам да разбирам каква е ситуацијата. Не е лесно. Во моментов Тотенхем не е на високо ниво“, изјави искрениот и разочаран Конте.

Италијанецот, да потсетиме, го презеде Тотенхем откако беше отпуштен Нуну Еспириту Санту, стратегот кој летово пристигна во клубот од Северен Лондон.

„Има голема разлика во однос на топ тимовите во Англија. Но, не смееме да се плашиме. Тука сум да работам и да ја поправам ситуацијата. Знам дека во овој момент ни треба трпение, време, и тука сум бидејќи знам дека има проблеми кои треба да се решат“.

Конте дојде во Тотенхем откако го напушти Интер со кој стана шампион на Италија. Си замина од тим кој игра во Лигата на шампионите, а сега води тим кој игра во новата лига на УЕФА, онаа најслабата - Конференциската лига. Да биде срамот поголем, ниту таму не му оди добро иако Тотенхем е во група со клубови како Рен, Витесе и Мура.

„Среќен сум да останам тука, но во исто време морам да бидам искрен и да кажам дека ни треба многу работа за да го издигнеме квалитетот на тимот“, додаде Конте.

Победата над Тотенхем за Мура беше прва во Конференциската лига откако до синоќа имаше само порази. На првиот натпревар во Лондон, Тотенхем ја прегази Мура со 5:1.

„Ако некој мисли дека пристигнал нов тренер, дека Конте освојувал во минатото и дека јас сум магионичар, тоа не е така. Единствената магија која можам да ја направам е работа. Да работам за да напредуваме, да ги внесам моите методи, моите идеи за фудбалот. Но, за тоа е потребно време“, заврши тој.

Со синоќешниот пораз Тотенхем го стави под знак прашалник пласманот во нокаут-фазата и во последното коло дома против лидерот Рен ќе мора да брка победа. Ова е втор пораз за Тотенхем во ова натпреварување откако претходно загуби со 1:0 на гости од Витесе, тогаш под водство на Нуну.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Фудбал

Тонали е вистински зависник: Се обложувал и во Англија, намерно добил жолт картон

Read more

Ливерпул се откажа од Алонсо, Клоп ќе го наследи Рубен Аморим

Read more

Милан сака да се засили со братот на Турам

Read more

Се побуни и Николов: Разочаран сум поради односот на селекторот Милевски

Read more
 

Спорт

  • play_arrow

Тонали е вистински зависник: Се обложувал и во Англија, намерно добил жолт картон

Читај повеќе
  • play_arrow

Лидерот Бостон падна во Атланта, го средија Мареј и Богдановиќ

Читај повеќе
  • play_arrow

Димитров го растури Алкарас во Мајами

Читај повеќе

Ливерпул се откажа од Алонсо, Клоп ќе го наследи Рубен Аморим

Читај повеќе

Милан сака да се засили со братот на Турам

Читај повеќе

Се побуни и Николов: Разочаран сум поради односот на селекторот Милевски

Читај повеќе

Канаваро: Наполи би го водел бесплатно, ама Де Лаурентис не ме бара

Читај повеќе

Дани Алвес откако излезе од затвор веднаш направи забавa славејќи до изгрејсонце

Читај повеќе

Шпанците откриваат кога Модриќ заминува од Реал

Читај повеќе