По големиот камбек на модата од 90-тите години од минатиот век, сега дојде ред и на осумдесеттите да се вратат во мода.
Пуф-ракави, еполети, сатенски фустани, широки ногавици и сите други трендови од тој период се вистински хит, а во мода се враќа и контроверзната фризура која ги обележа осумдесеттите.
Станува збор за минивал или трајна фризура со локни кои се прават со хемиски процес во фризерските салони. Со оваа фризура беа опседнати мажите и жените во 80-тите.
Кeрин Џексон за Harper’s Bazaar објасни дека разликата е во тоа што сега во мода се нежни и поголеми локни кои делуваат природно, а со новата технологија нема да ѝ наштетат на косата.
Оваа фризура не прилега на секој облик на лице, па доколку се одлучите за неа, најпрвин пробајте перика за да видите дали ќе ви изгледа убаво.
