Втор ден од Копа Америка и веќе го имаме првото големо изненадување – Аргентина е поразена од Колумбија со резултат 2:0. Лионел Меси сигурно нема да биде задоволен од настапот на отворањето на Копа Америка, но вината не смее да ја преземе само еден индивидуалец во составот.
Ваков старт со пораз на американското првенство на Аргентинците последен пат им се случило пред точно 40 години, во 1979 година, а на Колумбија и требаа 12 години за да оствари победа над Аргентина.
Што се однесува до играта на теренот, може да се каже дека целиот натпревар беше решен во последните 20 минути, и тоа од резервистите Роџер Мартинез во 71-та и Дуван Запата во 85 минута од натпреварот.
Иако Аргентинците мораа да бркаат резултат, Пауло Дибала остана на клупата во текот на целите 90 минути, што може да значи дека селекторот не смета сериозно на неговите услуги. Сепак, тој зад себе остави само просечна сезона во дресот на Јувентус и тоа се одрази на неговата улога во репрезентацијата.
Во другиот натпревар од вечерта, Перу и Венецуела одиграа 0:0.
