Нема кој досега не слушнал или користел копар, но дали знаете колку придобивки всушност можете да добиете од него?
Сигурно нема човек кој барем еднаш не користел или пробал копар, во вид на зачин. Често се додава во јадењата и им дава посебна арома, но тоа не е сѐ.
Всушност, семките од копар се полни со витамини и минерали, а имаат големи придобивки за нашето тело.
Ако имате проблеми со варење, надуеност, киселини, запек или гадење, копарот ќе ви биде корисен, бидејќи побрзо ги апсорбира хранливите материи од храната.
Покрај тоа, сигурно сте слушнале дека гумата за џвакање не е најдобра за здравјето и дека предизвикува надуеност, па наместо нив за свеж здив можете да користите копар.
Кога станува збор за алтернативната медицина, многумина истакнуваат дека копарот може да ви помогне при инфекции на респираторниот тракт, кашлица, бронхитис, а има и антиоксидативно дејство.
Во одредени дози, копарот може да го намали крвниот притисок бидејќи содржи многу калиум, калциум и влакна.
Жените ќе бидат среќни кога ќе знаат дека можат да ги ублажат менструалните проблеми токму со копар.
Ја стимулира функцијата на мозокот, спречува дегенеративни промени, како што се деменција и Алцхајмерова болест, ја намалува напнатоста на нервниот систем…
Во ограничени количини може да биде многу добар за новите мајки, бидејќи го поттикнува производството на млеко.
Свежиот копар има силна арома и слатка, зачинета арома. Ги подобрува салатите, млечните и мајонезните сосови и сирењата. Се користи при подготовка на кисели краставички, таратор. Тој е погоден за зачинување на риба, јадења од зеленчук (тиквички, свеж компир, боранија, зелка) и супи.
Уште Старите Римјани сметале дека копaрот има мистериозна, чудесна моќ. Старите Грци го гореле за да добијат ароматично масло од копaр. Гладијаторите често добивале вкусна храна со копaр за да бидат силни и издржливи. Во древниот Вавилон копaрот служел како лек. Голема популарност добил во текот на XVI век во Фиренца и Болоња за време на Катерина де' Медичи. Копарот бил користен и како составен дел во подготовката на љубовен напиток, а исто така и во спречувањето на црна магија.
Забелешка: Доколку сте алергични на морков или целер, голема е веројатноста дека ќе имате алергиска реакција и на семки од копар, па препорачливо е да ги тестирате пред да ги вклучите во секојдневната исхрана.
