Првиот ден од Светското првенство во ракомет за жени го одбележа поразот на Франција од Јужна Кореја, како и победата на Словенија над Холандија.
Французинките походот кон одбрана на светскиот трон го започнаа со изненадувачки пораз од летечките Кореанки. Иако на полувреме водеа со 13:12, на крајот Јужна Кореја ја однесе победата предводена од расположената Ју Ун-Хи која постигна 12 гола. За Франција настапија поранешните Вардарки Алисон Пино, Александра Лакрабер и Амандин Лејно.
За одбележување е и победата на Словенија над фаворитот Холандија и тоа со 6 разлика. Тјаша Станко беше незапирлива за Холанѓанките и натпреварот го заврши со 12 погодоци.
Најубедливата победа ја забележаа ракометарките на Норвешка кои ја прегазија Куба со 31 разлика и за три голови не стигнаа до вкупно 50.
Домаќинот Јапонија ги израдува своите навивачи со победа над Аргентина.
Група А
Србија - Ангола 32:25
Холандија - Словенија 26:32
Норвешка - Куба 47:16
Група Б
Германија - Бразил 30:24
Франција - Јужна Кореја 27:29
Данска - Австралија 37:12
Група Ц
Црна Гора - Сенегал 29:25
Унгарија - Казахстан 39:15
Романија - Шпанија 16:31
Група Д
Јапонија - Аргентина 24:20
Русија - Кина 26:11
Шведска - Конго ДР 26:16