Жените знаат колку многу утринското бирање облека, подготвување и средување умее понекогаш да биде напорно и стресно, но дамите со стил поради добрата организација ги немаат тие проблеми.
Со овие едноставни трикови може себеси да си ги олесните утринските рутини и да блеснете.
1. Водете сметка за времето
За 15 минути не може да се истуширате, облечете и нашминкате. За да си олесните себеси, потрудете се да станете малку порано. На тој начин сите потребни активности ќе ги извршите навреме, без нервози и брзање.
2. Планирајте однапред
Доколку навечер имате време, најдобро би било однапред да си ја подготвите облеката што ќе ја носите наутро, како и модните додатоци.
3. Водете сметка за долната облека
Кога станува збор за долната облека, обрнете внимание на материјалот и бојата на облека па одредете што ќе носите.
4. Следете ја временската прогноза
Без одлагање погледнете ја временската прогноза пред да тргнете на работа и во склад со тоа, облечете се.
5. Спакувајте работи за прва помош
Во вашата торба добро би било секогаш да имате работи кои ќе ви се најдат во небрано, како на пример фластери, таблети против болка, кармин за поправање на шминката и слично. Заземаат малку простор, а можат да ви го спасат денот.
