Најверојатно поради брзината со која „се штанцаат" телефоните, поради можна интерна грешка или од невнимание, дел од телефоните OnePlus 5 се произведени со наопаку намонтирани дисплеи, па она што е горе, стои долу!
Станува збор за доцнење што се јавува при вертикалното скролање на содржините.
Мал број кроисници ја пријавија грешката, а порталот PhoneArena што прв ја објави веста, не наведува за која серија телефони станува збор. Според тврдењата на корисниците, кога ќе го свртите телефонот за 180 степени, тоа не се случува, што укажува дека најверојатно екраните се погрешно намонтирани во дел од уредите и дека со софтверски додаток нема да може да се коригира грешката.
Другата теорија е дека станува збор за доцнење на пикселите, што ќе може да се реши софтверски. Порталот смета дека најверојатно станува збор за второто сценарио, но ако е грешката во монтирањето, компанијата ќе мора да ги повлече сите телефони и ќе претрпи голема штета, а секако и нарушување на угледот.