Бројот на новозаразени со коронавирусот е зголемен во сите земји од регионот.
Од ден во ден се регистрираат рекордни бројки на новозаразени, вклучувајќи и во нашата земја, а во Словенија и Хрватска се бројат над 1.400 заболени на ден.
Во последните 24 часа во Република Северна Македонија се направени 2.688 тестирања, а регистрирани се рекордни 641 нов случај на COVID-19. Во моментов има 6.069 активни случаи. Во изминатото деноноќие починале 12 лица починале, а 233 оздравеле, соопшти Министерството за здравство. Во главниот град Скопје денеска беа регистрирани 325 нови случаи, а вкупно активни се 2.983, од кои најмногу во наслебата Аеродром – 592.
Денеска непосакувани рекорди забележаа и соседна Србија со 512 новозаболени и Словенија со 1.503 нови случаи на коронавирус во 24 часа.
Воведени се нови ограничувања во Словенија. Покрај ноќните клубови, на кои не им е дозволено да работат од почетокот на епидемијата пролетва, забраната за работа е проширена и на киносалите и културните институции, со исклучок на галерии, музеи, архиви и библиотеки. Вчера беше воведен полициски час кој трае од 21 до 6 часот наутро.
Во Хрватска вчера беа регистрирани 1.424 нови случаи на инфекција со коронавирус, а 11 лица починаа. Во таа земја во моментов има 6.459 активни случаи. Мерките не се исти за сите општини и зависат од бројот на регистрирани случаи на инфекција.
Денеска Босна и Херцеговина пријави дури 922 нови случаи на коронавирус, како и 14 смртни случаи. Во моментов се активни 5.021 случај.
Црна Гора регистрирала најмалку случаи во регионот - 177, а три лица починале во изминатите 24 часа. Во општините Жабљак, Цетиње, Будва, Улцињ, Колашин и Бјело Поље, на сила се ограничува од забрана за излегување, затворање или ограничување на работата на угостителските објекти, префрлање на наставата онлајн, до забрана за домашни посети.
Уште 301 случај е регистриран во Албанија, а четворица пациенти починале. Во моментов, 6.968 случаи се активни во таа земја, претежно во Тирана, Драч и Скадар.
Во Бугарија повторно беше поставен рекорд со нови 1.336 случаи, 312 повеќе од претходниот ден, а беа тестирани дури 11.505 лица.
