Фудбалерот на Баерн, Серж Њабри е позитивен на коронавирусот и ќе го пропушти утрешниот натпревар против Атлетико во Лигата на шампионите, објави германскиот клуб.
Клубот изјави дека Њабри е добро и дека тој во моментов е во изолација дома.
Тој е првиот играч на Баерн кој е позитивен на вирусот.
Покрај мечот со Атлетико, Њабри ќе го пропушти и претстојниот дуел против Ајнтрахт во Бундеслигата.
Тој ги започна сите дуели од почетокот на новата сезона во германскиот шампионат, а постигна хет-трик на отворањето на сезоната против Шалке.