Како што се приближува почетокот на Олимписките игри во Токио, спортистите пристигнуваат во Олимпиското село. Кошаркарите на стартот се соочија со бизарен проблем.
Австралискиот кошаркар Арон Бејнс објави фотографија од тоалетот во својата соба, покажувајќи како не може целосно да застане бидејќи таванот едноставно не е доволно висок.
Бејнс некако се протна во тоалетот додека со главата го допираше таванот. Сепак, тоа не му го расипа расположението и олимпискиот дух, туку се смешкаше и се фотографираше за потоа да сподели на социјалните мрежи.
Репрезентативецот на Австралија и центар на Торонто Репторс во НБА е висок 2 метра и 8 сантиметри. Докажа дека собите во Олимпиското село очигледно не биле предвидени за кошаркари над два метра. Неверојатен пропуст на секогаш прецизните Јапонци.
