Франција и Шпанија ќе се борат за титулата на Европското првенство за кошарка кое се одржува во Чешка.
Шпанија во полуфиналето ја победи Белгија со 68-52 и четврти пат во историјата ќе се бори за титулата. Шпанките во 1993 и 2013 година ја имаат освоено титулата, додека во 2007 година биле втори.
Убедлива победа во полуфиналето забележаа и репрезентативките на Франција, кои славеа над Грција со 77-55.
Финалниот меч ќе се одигра вечерва од 20:30 часот, додека од 18 часот на програмата е натпреварот за третото место.
