Коста се премислувал пред масакрот: Сакал да се јави кај мајка му да дојде да го земе кога го видел чуварот

Мајката на момчето (13) кое на 3 мај го изврши масакрот во основното училиште „Владислав Рибникар“ во Врачар е сослушана во полиција по барање на Првото основно јавно обвинителство во Белград по покрената истрага поради сомнение за запуштање и злоупотреба на малолетно дете.

Како што пишува српскиот весник Kurir, кобниот ден, пред да ги застрела другарите и соучениците, момчето се предомислило и сакало да ` се јави на мајка си да дојде да го земе!

„Дошол на училиште вооружен и со план, но во моментот кога го видел чуварот Драган, кого го сакал и ценел, сепак сакал да се откаже од сѐ и почнал да ѝ вика на мајка си да дојде да го земе. Меѓутоа, кога видел дека чуварот сака да му помогне бидејќи забележал дека се однесува чудно и се доближил, го извадил пиштолот и го застрелал, а потоа почнал да пука во училиштето и убил девет негови другари“, вели изворот на Kurir.

По злосторството рекол дека е сам во сѐ и дека никој немал поим што прави, па не сака да го меша семејството.

Според пријателите на семејството на момчето, неговата мајка сакала тој да биде најдобар, а тој наводно сакал да ги задоволи родителите, но никој во тоа време не гледал на тоа како проблем кој може да има страшни последици.

Како што дознава Kurir, мајката на момчето во полиција зборувала за семејните односи, како се сложувала со синот, сопругот и каков однос имале двајцата.

Мајката, која беше под истрага за сомнеж за запуштање и злоупотреба на малолетно дете, во полиција изјавила дека никогаш не можеле да претпостават оти момчето може да биде насилно.

Таа потврди дека тоа било хармонично семејство, дека таа и нејзиниот сопруг живееле заедно и дека се грижеле за децата.

Обвинителството претходно испрати барање до Полициското одделение за Град Белград за прибирање на потребните информации, кое наложи да се сослушаат мајката на осомничениот, разговор со педагогот и психологот вработен во „Владислав Рибникар“ основно училиште како и сите други мерки што треба да се преземат за целосно утврдување на фактичката состојба.

Исто така, на Градскиот центар за социјална работа му е наложено да изврши дијагностичка проценка на функционирањето на семејството на момчето (13) и да поднесе пријава до обвинителството, како и да утврди дали наведеното семејство претходно било во евиденцијата.

Семејството на момчето првпат се огласи вчера, ден откако мајката беше сослушана во полицијата.

Таткото на момчето е обвинет дека претходно го обучувал својот 13-годишен син да ракува со огнено оружје и муниција и се наоѓа во притвор.

Момчето за 120 секунди застрелало 16 луѓе со пиштолот на неговиот татко. Кобниот ден испукал дури 57 истрели од пиштолот.

реклама

Ангелов бара кружен тек кај збунувачката крстосница со чести сообраќајки во Аеродром

Read more

Тројца исчезнати туристи во Грција најдени мртви

Read more

Тешки бетонски блокови пред паѓање висат од тераса спроти Владата, предупредува ЦУК

Read more

Кои раси на кучиња живеат најдолго?

Read more

Регион

Тројца исчезнати туристи во Грција најдени мртви

Read more

Мајка на ученик претепа професорка по биологија во Белград

Read more

Нападнат кабинетот на Еди Рама, уапсен странски државјанин

Read more

Маж се полеа со бензин и се запали пред зградата на хрватската Влада

Read more
 

Вести

  • play_arrow

Трамп го прозва Бајден на когнитивен тест, па направи гаф во следната реченица

Читај повеќе

Киев: Русија ги засили нападите за време на мировната конференција во Швајцарија

Читај повеќе

Тројца исчезнати туристи во Грција најдени мртви

Читај повеќе

Голем скок на цените на нафтата

Читај повеќе

Топло време со максимални 36°C

Читај повеќе
  • play_arrow

Ангелов бара кружен тек кај збунувачката крстосница со чести сообраќајки во Аеродром

Читај повеќе

Тешки бетонски блокови пред паѓање висат од тераса спроти Владата, предупредува ЦУК

Читај повеќе

Дете искасано од улично куче во Долно Лисиче

Читај повеќе

Златна рамка од 18 до 20 јуни во МКЦ: Нови македонски филмови, презентации, трибини

Читај повеќе