Градоначалникот на Општина Бутел, Дарко Костовски, сподели видео на кое, како што тој пишува на негов пост на Facebook, на големиот празник Пречиста Богородица „пресветата мајка божја се појавила во божјиот храм“.
„На големиот христијански празник Пречиста Богородица, Пресветата Божја Мајка се појави во божјиот храм 'Св. Никола' во Скопје Север, Општина Бутел. Слава на Господ“, објави Костовски на Facebook.
Тој за Макфакс посочи дека ова е видео на граѓанин и тој лично го нема снимено.
„Тоа си е негово сведоштво во кое јас си верувам“, истакна Костовски.
